Psalms 100
Sisien te Memesien
1!Moletin xil te ut etan,mukikei mi Hi Suv itel sien!
2Mumot mi Iahova itel memaalen.
Mumei visali itel kikeien.
3Muhithiteni xa Iahova be Hi!
Xi iaxa pol ni xir, ma xir rabe nan.
Xir radi pe hen, e xi di milaxat kuh xir,
nggoni sipsip xil xa moletin nae di milaxat kuh xil.
4Mumei e Nim Eo nan itel memesien,
mupet rat hisen e vioh teni.
5Mumei visali Iahova vengan xa xi bos.
Eheien nan misakras vavus,
e hitxatien nan, xi pol vuol ni vehakut.
Copyright information for
TVK